Кыргызскі праваабаронца збіраецца спаліць партрэт Лукашэнкі
18- 12.09.2012, 12:43
А таксама афіцыйны чырвона-зялёны сцяг.
Праваабаронца Андуруш Тактанасыраў у знак пратэсту супраць адмовы Беларусі выдаць Бакіева і іх памагатых мае намер зладзіць вогнішча з партрэта Лукашэнкі і чырвона-зялёнага сцяга, паведамляе ІА «24.kg».
«Мне цяжка знайсці сцяг Беларусі. Як толькі вырашу гэтае пытанне, я правяду акцыю па спальванню партрэта Лукашэнкі і афіцыйнага сцяга Беларусі », - сказаў праваабаронца.
Андуруш Тактанасыраў ужо праводзіў шэраг акцый пратэсту каля будынка амбасады Беларусі. Яшчэ раней прадстаўніцтва Беларусі ў Кыргызстане закідвалі камянямі.
Нагадаем, скандал з выдачай Бакіевых разгарэўся зноў, калі ў Менску быў заўважаны свабодна шпацыруючым брат экс-прэзідэнта Кыргызстана Жаныбек Бакіеў. Спачатку афіцыйныя асобы Беларусі не каментавалі знаходжанне ў Беларусі міжнароднага злачынца, які адшукваецца па лініі Інтэрпола, але пасля настойлівых патрабаванняў Кыргызстана заявілі, што Бакіевых не выдадуць. Нібыта беларускі бок бачыць у пераследзе былога дыктатара і яго памагатых палітычныя матывы.