Расейцы здымуць фільм па аповесці Быкава

Рэжысёр Улад Фурман збіраецца экранізаваць аповесць «Афганец».

Васіль Быкаў быў не толькі адным з самых вядомых беларускіх пісьменнікаў, але крытыкам кіруючага ў краіне рэжыму, нагадвае пецярбургскі партал 812 online.

Гэтая крытыка матэрыялізавалася ў аповесць, аб неадбыўшымся тыраназабойцы  - «афганцы» Ступаке, які лічыць вінаватым ва ўсіх бедах Беларусі яе кіраўніка і вырашае пакласці гэтаму канец.

«Афганец» рэч моцная, і яна яшчэ і нечакана актуальная - разгон дэманстрацый, АМАП, пошукі ўнутраных і знешніх ворагаў. Можна нават падумаць, што Улад Фурман (Уладзіслаў Фурманаў) вырашыў зняць антыпуцінскае кіно, але ён сам кажа пра тое, што паспрабуе сысці ад палітыкі ў фільме. Пры гэтым ён запрасіў у сцэнарысты Вячаслава Сівалобава - бізнэсмэна, які займаецца кансалтынгам, які ўжо атрымаў кандыдацкую ступень па сацыялогіі, напісаў кніжку пра дэмаграфію і стварыў дабрачынны фонд. Такіх сцэнарыстаў у расейскім кіно яшчэ не было.

«У мяне шлях да Быкава пачаўся праз працу над экранізацыяй яго аповесці «Бліндаж». А перад гэтым мы здымалі ў Беларусі ваенную карціну «Наркамаўскі абоз». Здымкі былі складаныя і вельмі з'ядналі здымачную групу. І неяк беларускі прадзюсер карціны даслаў мне спасылку на аповесць Быкава «Афганец». Мяне цікавіць творчасць Быкава як такавая - як пісьменніка, як мастака, як сумленнага, прыстойнага грамадзяніна», - сказаў рэжысёр.