Актывістаў БРСМ вучаць страляць і нападаць
60- 12.09.2012, 17:59
За мінулы год маладыя лукашысты затрымалі больш за 1200 грамадзян.
З 10 па 12 верасня на базе вайсковай часткі 3214, дзе раней камандаваў начальнік «эскадрону смерці» Зміцер Паўлічэнка, прайшоў збор камандзіраў і актывістаў Моладзевых атрадаў аховы правапарадку (МААП), паведамляе прэс-служба МУС.
Актывістаў БРСМ пазнаёмілі са зброяй і спецтэхнікай, а таксама правялі трэнінгі па рукапашным баі. Пасля гэтага БРСМаўцаў пусцілі ахоўваць правапарадак разам з міліцыянтамі.
МААП дзейнічаюць з 2004 года ў тэрытарыяльных арганізацыях БРСМ. Усяго ў атрадах лукашэнкаўцаў знаходзіцца больш за 10 тысяч чалавек. На працягу 2011 года з іх удзелам было затрымана каля 1200 чалавек. За тры гады больш за 300 актывістаў сталі міліцыянтамі, больш за дзве тысячы - прайшлі тэрміновую ваенную службу.