У Наваполацку гарэў мэблевы цэх (Фота)
3- 13.09.2012, 10:30
У Наваполацку адбыўся пажар у цэху па вытворчасці мэблі, пацярпелых няма.
Паведамленне аб узгаранні паступіла ў МНС 12 верасня ў 10-05. Па прыбыцці да месца выкліку падраздзяленняў МНС назіралася гарэнне на плошчы 200 кв. метраў. У памяшканні цэха гарэла корпусная мэбля з масіва драўніны, паведамляе МНС РБ.
У памяшканні ў момант ўзнікнення пажару знаходзіліся 15 чалавек, памяшканне яна пакінулі самастойна да прыбыцця, пацярпелых няма.
У 10-30 пажар быў лакалізаваны, у 10-59 - ліквідаваны.
У выніку пажару ў цэху знішчаны мэбля, складовыя элементы, закураны столевыя перакрыцці, сцены, маёмасць цэха. Значная частка маёмасці выратавана работнікамі МНС
Меркаваная прычына пажару - пакінутая на электрапліце без нагляду гаручая вадкасць на аснове бітуму і шкіпінару.