Мясніковіч сустрэнецца з Мядзведзевым у Ялце
18- 14.09.2012, 13:21
Прэм'ер-міністр Беларусі Міхаіл Мясніковіч паведаміў журналістам пра сустрэчу са сваім расейскім калегам Дзмітрыем Мядзведзевым 28 верасня ў Ялце.
«28 верасня, па маёй просьбе, адбудзецца сустрэча з Дзмітрыем Анатольевічам Мядзведзевым у Ялце, мы будзем абмяркоўваць дзве групы пытанняў», - сказаў Мясніковіч.
Паводле яго слоў, беларускі бок мае намер абмеркаваць інтэграцыйныя пытанні і перспектывы стварэння сумеснай кампаніі «РасБелАўта» на базе актываў «МАЗа» і «КАМАЗа», піша «Інтэрфакс».