Лукашэнка дорыць Катару зямлю пад Менскам (Дакумент)

Што атрымае дыктатар у абмен на шчодры падарунак - невядома.

У распараджэнні «Белорусского партизана» апынуўся дакумент, які сведчыць аб беспрэцэдэнтнай перадачы зямель Менскай вобласці Катару для будаўніцтва паляўнічых угоддзяў.

Першы намеснік старшыні Менскага аблвыканкама выдаў распараджэнне, па якому да канца 2012 года, згодна з указам Лукашэнкі, дзяржаве Катар павінны быць перададзены бязвыплатна вялікія ўчасткі зямлі ў Лагойскім і Смалявіцкім раёнах Менскай вобласці пад будаўніцтва рэзідэнцыі і паляўнічых вальераў.

Менскаму аблвыканкаму даручаецца тэрмінова перавесці сельскагаспадарчыя землі, землі ляснога фонду ў катэгорыю зямель іншага прызначэння.

Зямлі прадастаўляюцца Катару бясплатна, без спагнання платы за арэнду, тэрмінам на 99 гадоў.

СМІ шмат разоў пісалі аб цесным супрацоўніцтве Лукашэнкі з Катарам. Напрыклад, спецпадраздзяленні Катара праходзілі падрыхтоўку ў Менску за некалькі месяцаў да падзей у Лівіі. Нагадаем, у жніўні 2011 сусветныя СМІ паведамлялі аб тым, што спецпадраздзяленні Катара інструктавалі лівійскіх паўстанцаў. Таксама з'яўлялася інфармацыя аб іх удзеле ў баявых дзеяннях, у тым ліку, у захопе Кадафі.

У чэрвені ў Менску праходзілі Дні культуры Катара. Некалькі дзён запар на плошчы Якуба Коласа народ штурхаўся ў чэргах за бясплатнымі блінамі і пахучасцямі.

Апроч так званай «Катарскай выспы» у Беларусі новым усходнім «сябрам» аддадуць Кастрычніцкае і Петрыкаўскае радовішчы калійных соляў, радовішча жалезнай руды, зямлю пад паляўнічыя ўгоддзі і іншае.