Галасуй, не галасуй... (Фота)
16- 17.09.2012, 15:32
Актывісты «Zмены» заклікалі не ўдзельнічаць у датэрміновым галасаванні.
Арганізацыя правяла пікет на станцыі метро Пушкінская каля ўніверсама «Фрунзенскі». Там быў усталяваны ўнітаз з надпісам «датэрміновае галасаванне», бюлетэнямі ўнутры і расцяжкай з красамоўным тэкстам «галасуй, не галасуй...», піша zapraudu.info.
Мінакам актыўна прапаноўвалася прагаласаваць датэрмінова ў сябе дома прама ва ўнітаз.
Супрацоўнікі міліцыі, якія прыйшлі праз некаторы час пасля пачатку акцыі, здымалі яе на відэакамеру.