У Магілёве назіральнікаў 2 гадзіны не пускалі на ўчасткі

Две гадзіны не маглі разабрацца члены акруговай камісіі Магілёўскай прамысловай выбарчай акругі № 87 са сваімі абавязкамі.

Яны патрабавалі пячаць на дакуменце, на якім па законе яна стаяць не павінна. (Там так і напісана - месца для пячаці, калі ёсць). Пры гэтым старшыня акруговай камісіі № 87 быў абсалютна непрафесіянальны, не жадаў унікаць у дэталі: «Няма пячаці - не пушчу!».

Вырашаць пытанне прыйшлося праз ЦВК, які толькі зараз патлумачыў членам акруговай камісіі, як напісана ў законе: пячаць на пратаколе накіравання назіральніка ў камісіі ставіцца ў тым выпадку, калі ў арганізацыі пячаць ёсць. Калі пячаці няма (а закон дазваляе не мець пячаць), то, адпаведна, дакумент сапраўдны без пячаці, паведамляе прэс-служба АГП.

У выніку дадзенага парушэння назіральнікі ад АГП былі дапушчаныя на ўчасткі ўжо пасля таго, як скрыні былі апячатаныя. Цяпер яны не могуць быць упэўненыя, што яны былі пустымі перад пачаткам галасавання.