Брэсцкія дэмакраты сустрэліся з назіральнікамі ад АБСЕ
1- 18.09.2012, 13:12
17 верасня Брэсцкая кааліцыя «Спадчына» у поўным складзе сустрэлася ў Брэсце з прадстаўнікамі місіі АБСЕ Стэлай Мары Хельмер і Готфрыдам Брамерам.
Яны перадалі зварот, накіраваны прэзідэнту ПА АБСЕ Рыкарда Мільёры і кіраўніку місіі назіральнікаў на будучых «парламенцкіх выбарах» у Беларусі Матэа Мекачы.
Удзельнікі ўдакладнілі і пашырана аргументавалі палажэнні свайго звароту: «Ваша прысутнасць, вашы сустрэчы са злачынцамі як з легітымнымі службовымі асобамі ствараюць ілюзію нармалізацыі выбарчага працэсу. 23 верасня вам пакажуць срэжысаваны спектакль».
Як паведамілі ў прэс-службе БДК «Спадчына», прадстаўнікі АБСЕ сёння разгледзяць мэтазгоднасць працягу назірання за «выбарамі» у Беларусі.