Вялізныя чэргі на межах з Літвой і Латвіяй

Чэргі грузавых аўтамабіляў стаяць у пунктах пропуску на межах з Літвой і Латвіяй.

Такая інфармацыя размешчана на інтэрактыўнай карце на афіцыйным сайце Дзяржаўнага памежнага камітэта Беларусі, паведамляе карэспандэнт БелТА.

Паводле інфармацыі на 15 гадзін. 23 верасня, у пункце пропуску «Урбаны» чарга аўтамабіляў на выезд у Латвію складае 400 грузавых і 30 легкавых машын. На ўезд у Беларусь стаяць 70 грузавікоў.

На беларуска-літоўскай мяжы ў пунктах пропуску «Катлоўка» сабралася 380 грузавых і 50 легкавых аўтамабіляў, «Каменны Лог» - 550 і 30, «Беняконі» - 330 і 30, «Прывалка» - 320 грузавых машын. Пры гэтым прапускная здольнасць існых пунктаў пропуску на мяжы з Літвой складае каля 1 тыс. аўтамабіляў у суткі. «Таму існуючыя чэргі не з'яўляюцца сур'ёзнай праблемай», - адзначылі ў Дзяржпамежкамітэце. На выезд у Польшчу ў пункце пропуску «Брузгі» чаргі на ўезд у Беларусь чакаюць 400 грузавікоў, у «Бераставіцы» - 500, у «Казловічах» - 100 фур.

Інфармацыя аб чэргах у пунктах пропуску праз дзяржаўную мяжу абнаўляецца на інтэрактыўнай карце на афіцыйным сайце Дзяржпамежкамітэта кожныя дзве гадзіны. У камітэце рэкамендуюць кіроўцам выбіраць маршруты руху з улікам аператыўных дадзеных.