Расея забараніла ўвоз генетычна мадыфікаванай кукурузы
3- 25.09.2012, 9:35
Забарона ўведзена пасля публікацыі вынікаў даследаванняў еўрапейскіх навукоўцаў.
Яны былі праведзены на пацуках, у якіх пасля працяглага ўжывання геннамадыфікаванай кукурузы ўзнікалі ракавыя пухліны, паведамляе Расспажыўнагляд.
У прэс-службе ведамства ўдакладнілі, што «у часопісе «Таксікалогія харчовых прадуктаў і хімічных рэчываў» (Foodand Safety Toxicology) быў апублікаваны навуковы артыкул групы навукоўцаў з Італіі і Францыі аб выніках доўгатэрміновага таксікалагічнага даследавання гербіцыду «Раўндап» і генетычна мадыфікаванай кукурузы, устойлівай да прымянення гэтага рэчыва».
Увоз кукурузы спынены да атрымання поўнай інфармацыі па гэтым пытанні.
Расспажыўнагляд накіраваў запыт аб разглядзе карэктнасці высноў еўрапейскіх навукоўцаў у НДІ харчавання Расейскай акадэміі медыцынскіх навук. Акрамя таго, афіцыйны ліст з просьбай пракаментаваць сітуацыю і выказаць пазіцыю Еўрапейскага звяза быў накіраваны ў адрас кіраўніка Генеральнага дырэктарата па ахове здароўя і абароне спажыўцоў Еўрапейскай камісіі.