Мікалай Статкевіч: Не гандлюйце людзьмі
69
18:13, — Палітыка
Нельга пачынаць гандаль «жывым таварам». Еўропа павінна прытрымлівацца сваёй пазіцыі.
З такім заклікам звярнуўся да еўрапейскіх палітыкаў палітвязень Мікалай Статкевіч.
29 верасня Мікалай Статкевіч патэлефанаваў родным. Пра гэта паведаміла жонка палітыка Марына Адамовіч.
«Званок стаў абсалютнай нечаканасцю, - кажа жанчына. - Не ведаю, усё ж яму дазволілі тое, на што маюць права астатнія зняволеныя - 2 званка ў месяц, ці гэта вынікі візіту высокага госця?»
Мікалай пацвердзіў, што на днях у турме яго наведаў апостальскі нунцый арцыбіскуп Клаўдыё Гужэроцці. Сустрэча праходзіла ў прысутнасці намесніка начальніка Дэпартамента выканання пакаранняў Сяргея Працэнкі.
Мікалай Статкевіч перадаў, што ў размове з высокім госцем пацвердзіў сваю пазіцыю, якую растлумачыў яшчэ ў апошнім слове ў судзе - нельга прапаноўваць ўладзе грошы за вызваленне палітвязняў, інакш будуць новыя заложнікі.
Ён прасіў Апостальскага нунцыя перадаць сваю глыбокую ўдзячнасць Святому Айцу за ўвагу і малітву, а таксама давесці сваю пазіцыю да еўрапейскіх палітыкаў. Палітвязень яшчэ раз падкрэсліў, што просіць Еўрапейскі звяз не змяняць сваю прынцыповую пазіцыю ў дачыненні да беларускага рэжыму.
Ён таксама паведаміў, што звярнуўся з прапановай да Сяргея Працэнкі - не прымушаць супрацоўнікаў турмы ісці на здзелку з сумленнем і бясконца вышукваць ў яго розныя дробныя парушэнні, каб працягваць строгі рэжым утрымання, парушаючы пры гэтым закон. «Няхай сваім загадам ДВП «прызначыць» мне тры гады строгага рэжыму, няхай возьмуць на сябе адказнасць і не падстаўляюць людзей», - перадаў Мікалай Статкевіч.
- Ён ведае пра сітуацыю са Зміцерам Дашкевічам, вельмі перажывае за яго і раіць не спыняць ціск, каб спыніць пераслед палітвязня. Таксама прасіў перадаць віншаванні з днём нараджэння Ігару Аліневічу і Алесю Бяляцкаму, паколькі спробы адправіць віншаванні іх сваякам апынуліся марнымі, - паведаміла Марына Адамовіч.
Ці ведае Мікалай аб вызваленні Сяргея Каваленкі і Паўла Сырамалотава?
- Мабыць, ведае, але я забылася спытаць наўпрост - званок, як заўсёды, нечаканы. Але сказаў, што думае, што пачаўся гандаль, і звязвае візіт нунцыя як раз са спробамі ўлады «дамовіцца».
На здароўе не скардзіцца, адзінае, што сказаў, што цяпер у турэмным дворыку амаль зусім не бывае сонца - восень, сонца нізкае і не дастае праз высокія сцены і рашоткі. І сонейка яму вельмі не хапае.
Але Мікалай не губляе аптымізму і бадзёрасці, імкнецца заняць свой дзень так, каб не заставалася вольнай хвіліны, увесь час заняты справамі. Так і час бяжыць хутчэй, - сказала Адамовіч.
Напісаць каментар (69)
Навіны
па тэме
- Зняволеныя павіншавалі Статкевіча з Днём беларускай вайсковай славы
- Николай Статкевич: Тюрьма похожа на поле битвы
- Мікалай Статкевіч падтрымаў Зміцера Дашкевіча
Экспарт
Новости партнеров
