Попыт на наяўную валюту павялічыўся ў 1,5 разы

Насельніцтва Беларусі ў 2012 годзе купіла на валавой аснове наяўнымі $6 млрд 319,4 млн.

Аб гэтым паведамляецца ў статсправаздачы Нацыянальнага банка Беларусі.

У 2011 годзе валавы попыт насельніцтва на наяўную валюту, па дадзеных НББ, склаў $4 млрд 48,9 млн. Такім чынам, валавы попыт фізічных асоб на наяўную валюту вырас на 56,1%.

Валавы продаж наяўнай валюты фізічнымі асобамі ў мінулым годзе склаў $6 млрд 483,1 млн, павялічыўшыся ў параўнанні з 2011 годам на 23,6%.

У выніку, у 2012 годзе насельніцтва прадало на чыстай аснове наяўнай валюты на $163,6 млн супраць чыстага продажу $470,1 млн у 2011 годзе. Такім чынам, чысты продаж насельніцтвам наяўнай валюты ў 2012 годзе скараціўся на 65,2% у параўнанні з 2011 годам.

У снежні насельніцтва купіла на чыстай аснове наяўнымі $181,2 млн супраць $51,9 млн у лістападзе, $172,6 млн у кастрычніку і $244 млн у верасні. Як паведамлялася, чыстым прадаўцом наяўнай валюты насельніцтва Беларусі заставалася да чэрвеня 2012 года. У чэрвені чысты попыт склаў $16,2 млн, у ліпені - $1,9 млн, у жніўні - $37,2 млн.

У снежні валавы попыт насельніцтва на наяўную валюту вырас у параўнанні з лістападам на 14,7%, да $719,5 млн, пры зніжэнні валавой прапановы на 6,5%, да $538,3 млн.

Па аперацыях насельніцтва з безнаяўнай валютай (у асноўным адлюстроўвае аперацыі па карт-рахунках), чыстая купля валюты насельніцтвам у 2012 годзе склала $848,2 млн за кошт валавога попыту на $1 млрд 151 млн пры валавой прапанове на $302,9 млн.

Такім чынам, сумарны чысты попыт насельніцтва на замежную валюту (з улікам безнаяўных аперацый) у 2012 годзе склаў $684,5 млн.