Дыктатар: З настаўнікаў і лекараў жалезна спытаюць
348
13:10, — Палітыка
(абноўлена) Кіраўнік запатрабаваў ад работнікаў аховы здароўя «спыніць плакацца».
Лукашэнка сёння наведаў Рэспубліканскі навукова-практычны цэнтр неўралогіі і нейрахірургіі, паведамляе «Інтэрфакс».
«Хопіць ужо плакацца, што ў нас лекары бедныя. Час лекарам даваць вынік. Так, павысім заробак, аптымізуемся, але і спытаем», - заявіў ён.
Паводле ягоных слоў, «усе атрымліваюць аднолькавую адукацыю, усе ў аднолькавых умовах. Таму як і з настаўнікаў, так і з лекараў будзем жалезна спытваць», - сказаў Лукашэнка.
Кіраўнік заявіў, што да 2015 года сістэма беларускай аховы здароўя павінна быць аптымізаваная, і ўсё павінна быць прыведзена ў парадак. «Трэба «ўтрасці» усё і аптымізаваць, каб быў парадак у клініках. А то мы стварылі гэтыя палацы (РНПЦ), але калі не будзе лекара, душы, то навошта гэтыя палацы», - адзначыў дыктатар.
Лукашэнка звярнуў асаблівую ўвагу на патрэбу развіцця беларускай школы аховы здароўя. «Для нас найважнейшая задача - гэта школа. Мы ўклалі столькі грошай, і таму трэба ствараць гэтыя школы, а не спачываць на лаўрах», - сказаў дыктатар. Ён таксама запатрабаваў забяспечыць пераемнасць пакаленняў у сістэме аховы здароўя, рыхтаваць высокакваліфікаваныя кадры і не перашкаджаць у працы маладым спецыялістам. «Калі казаць медыцынскім мовай, калі закаркаваць сасуды, то ўтворыцца тромб, а гэта - смерць», - адзначыў дыктатар.
Таксама Лукашэнка заявіў аб патрэбе ўжо ў 2015 годзе забяспечыць у краіне натуральны прырост насельніцтва.
«Да 2015 года кроў з носу трэба выйсці на натуральны прырост, не ўлічваючы замежнай міграцыі», - заявіў ён.
Адзначым, што заробак беларускіх лекараў і настаўнікаў нашмат ніжэйшы, чым у іх калегаў з суседніх краін.
Напісаць каментар (348)
Экспарт
Новости партнеров
