banner1 banner1 banner1

3.01.2013

Мінфін аддае пазыкі за кошт новых пазык важная навіна 25

13:21, — Эканоміка

Мінфін аддае пазыкі за кошт новых пазык

Крэдыт Ашчаднага банка РФ «Беларуськалію» будзе абарачацца на біржавым рынку Беларусі ў выглядзе валютных дзяржаўных папер.

Міністэрства фінансаў Беларусі ў снежні 2012 года размясціла на ўнутраным рынку 9 выпускаў (ВГДА 89-97) з агульным аб'ёмам эмісіі $800 млн, сведчаць дадзеныя Рэспубліканскага цэнтральнага дэпазітарыя каштоўных папер (РЦБЦБ), перадае «Інтэрфакс».

Адначасова зняты з сёлетняга захоўвання ў РЦБЦБ размешчаны ў снежні 2011 года выпуск ВГДА 84 на $800 млн, які «Беларуськалій» выкупіў тады за кошт крэдыту Ашчадбанка РФ.

«У снежні ажыццёўлена замена выпуску ВГДА 84 на шэраг новых выпускаў на больш выгадных для Мінфіна умовах, у рамках пастаяннай работы па аптымізацыі крэдытнага партфеля», - пракаментаваў дадзеныя здзелкі прадстаўнік прэс-службы Мінфіна, пацвердзіўшы, што фактычна гаворка ідзе аб рэфінансаванні пазыкі «Беларуськалію».

Паводле звестак Беларускай валютна-фондавай біржы, з 29 снежня 2012 года да другаснага абарачэння на біржы дапушчаныя 13 выпускаў (ВГДА 86-98) намінаваных у далярах ЗША дзяржаўных папер на агульную суму $978 млн. Валютныя паперы ўрада Беларусі ўключаныя ў каціравальны ліст «А» першага ўзроўню.

У снежні Мінфін прадаў іншаму рэзідэнту Беларусі выпуск ВГДА 98 на $60 млн з тэрмінам абарачэння 4 гады па стаўцы 7% гадавых. У кастрычніку-лістападзе Мінфін размясціў 4 выпускі дзяржаўных папер (ВГДА 85-88) з тэрмінамі на 3-3,5 гады, на агульную суму $218 млн.

Прыбытковасць гэтых выпускаў склала 7,5% гадавых.

Такім чынам, акрамя пакета валютных дзяржаўных папер, выкупленых «Беларуськаліем», да абарачэння на біржы дапушчаныя 4 выпускі на агульную суму $178 млн.

У гандлёвай сістэме біржы будзе ажыццяўляцца цэнтралізаваны разлік паказчыкаў прыбытковасці, бягучага кошту, значэнняў назапашанага адсоткавага (купоннага) даходу і іншых вартасных паказчыкаў і індыкатараў, неабходных для заключэння здзелак з валютнымі аблігацыямі, адзначаецца ў паведамленні БВФБ.

Да абарачэння на біржы не быў дапушчаны выкуплены ў пачатку кастрычніка «Банкам БелВЭБ» выпуск ВГДА 85 на $100 млн з тэрмінам абарачэння 3 гады. Да другасных таргоў таксама не быў дапушчаны выпуск ВГДА 83 на $300 млн, які ў жніўні выкупіў «Беларуськалій» за кошт прыцягнутага крэдыту Азербайджана.

Раней таксама паведамлялася, што ў кастрычніку ААТ «Беларуськалій» заключыла крэдытнае пагадненне з Ашчадным банкам РФ аб выдзяленні беларускаму прадпрыемству пад гарантыі ўрада Беларусі крэдыту на $1 млрд тэрмінам на 3 гады. Прадстаўнік кампаніі адзначаў, што «крэдыт выдадзены на 3 гады на ўмовах значна лепшых, чым быў мінулы брыдж». Міністр фінансаў краіны Андрэй Харкавец заяўляў, што эфектыўная стаўка па рэфінансаваным крэдыце складае каля 8,5% гадавых.

На працягу 2012 года Sberbank CIB і «Беларуськалій» знаходзіліся ў стадыі ўзгаднення ўмоў рэфінансавання брыдж-крэдыту на $1 млрд, выдадзенага «Беларуськалію» ў канцы снежня 2011 года. Тады ж за кошт гэтага крэдыту «Беларуськалій" купіў 4-гадовыя валютныя аблігацыі Мінфіна на $800 млн і гэтыя сродкі былі залічаныя ў склад золатавалютных рэзерваў Беларусі. У пачатку 2012 года ўлады Беларусі заяўлялі пра гатоўнасць датэрмінова пагасіць гэты крэдыт 20 верасня.

У канцы лістапада 2012 года ўрад Беларусі адмяніў забарону на другасны зварот дзяржаўных аблігацый у замежнай валюце на ўнутраным рынку, якая дзейнічала з 1999 года, і пашырыў магчымасці Мінфіна па першаснаму размяшчэнню валютных дзяржаўных папер. Цяпер, акрамя прамога продажу валютных аблігацый юрыдычным асобам, Мінфін можа праводзіць першаснае размяшчэнне на біржавых аўкцыёнах.


Навіны
па тэме


Напісаць каментар (25)

Падзяліся!






Учора на сайце:

наведвальнікаў 329172
праглядаў 1921515

Папулярныя навіны

Юрий Фельштинский: В Беларуси возможно устранение Лукашенко по афганскому варианту (89770)

24.02, 9:02, — Інтэрв'ю

У Менску джыпу са сцягам Наваросіі прабілі колы (69499)

25.02, 15:44, — Грамадства

Працоўныя МАЗа масава звальняюцца з прадпрыемства (66360)

22.02, 8:48, — Грамадства

Бойцы «Донбасса» показали, что они делают с пленными боевиками (59628)

21.02, 21:22, — Украіна

Частковы поспех ІП: указ аб тэхрэгламенце адкладзены да 1 чэрвеня (56249)

21.02, 9:19, — Грамадства

Новая падатковая пастка для беларусаў (52378)

23.02, 8:50, — Грамадства

У Данбасе знікла найноўшая расейская ўстаноўка сакрэтнай сувязі (52171)

25.02, 11:47, — Украіна

Параўнанне коштаў: колькі цяпер каштуюць прадукты ва Украіне і Беларусі? (49278)

25.02, 12:03, — Грамадства

Беларускія ўлады хочуць цалкам заблакаваць незалежныя сайты (46315)

25.02, 11:06, — Палітыка

Беларускі спецназавец з «ДНР»: Супраць нас ваююць тысячы беларусаў (45050)

21.02, 12:39, — Грамадства

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: