Ахова амбасад - на службе ў дыктатуры

Супрацоўнікі беларускай міліцыі пачалі перапісваць пашпартныя звесткі наведвальнікаў пасольстваў ЗША, Вялікабрытаніі і ФРГ.

Пра гэта сайту charter97.org паведаміў лідар Аб'яднанай грамадзянскай партыі Анатоль Лябедзька.

«Такая практыка дзейнічае ў дачыненні да пасольстваў ЗША, Вялікабрытаніі, ФРГ. Міліцыянты з аховы пасольстваў перапісваюць пашпартныя звесткі ўсялякага, хто ўваходзіць у дыпмісію, - сказаў палітык. - Зразумела, што на словах гэта тлумачыцца меркаваннямі дадатковай бяспекі. З наступнай перадачай звестак у КДБ».

Дзеянні беларускіх улад парушаюць Венскую канвенцыю - адзін з асноўных нарматыўна-прававых актаў у галіне дыпламатычнага права.

«Гэта не толькі парушэнне дыпламатычных канвенцый - гэта парушэнне грамадзянскіх правоў беларусаў. Усё адбываецца, як у савецкія часы: кожны, хто прыходзіць у заходнія амбасады, павінен быць зафіксаваны ўладамі. Пасля гэтага чалавек адразу трапляе ў лік падазраваных у кантактах з замежных дзяржавамі.

Звычайная практыка пры таталітарызме. Шкада, што амбасады пагадзіліся на гэтае беззаконнем. Бо гэта крок і супраць іх. Але я ведаю, што заходнія дыпламаты зачастую, каб спакойна працаваць у Беларусі, заплюшчваюць вочы на парушэнні правоў не толькі грамадзян краіны, але нават на парушэнне іх уласных правоў», - пракаментаваў сайту charter97.org гэты факт намеснік кіраўніка польскага фонду «Свабода і дэмакратыя», былы першы сакратар амбасады Польшчы ў Менску Марэк Буцька.