У Берасці адкрылі музей мабільнікаў

Першы і адзіны ў Беларусі музей сотавых тэлефонаў адкрыўся ў Берасці.

Такі своеасаблівы падарунак усім жыхарам горада паднесла фірма ТАА Фаст Рывер на ўласнае дзесяцігоддзе. Музей адкрыты для ўсіх жадаючых у сэрвісным цэнтры «Maximum GSM» па адрасе Карбышава 85.

Як распавёў парталу «Віртуальны Брэст» заснавальнік кампаніі Курылюк Сяргей Віктаравіч, усе тэлефоны збіраліся блізу 10 гадоў, іх прыносілі жыхары горада Берасця, нешта было сабранае супрацоўнікамі. І сёння, на сваё дзесяцігоддзе, кампанія вырашылася аформіць усе ў выглядзе музея. Дарэчы, прадстаўлена больш за 300 самых розных мадэляў, сярод іх ёсць і зусім старажытныя, і больш «свежыя». Ёсць у музеі і некалькі старых фотаапаратаў, бо кампанія займаецца рамонтам не толькі сотавых тэлефонаў, але і лічбавікоў, планшэтаў, MP3-плэераў і г.д., усё гэта паступова назапашваецца, і будзе папаўняць лік ужо існуючых экспанатаў.

Кіраўніцтва фірмы плануе звярнуцца да ўладаў горада з просьбай уключыць музей у турыстычныя маршруты, так як у рэспубліцы Беларусь больш няма такой калекцыі, і на будучы год плануе правесці конкурс па кіданні тэлефонаў. Акрамя таго, пры істотным павелічэнні колькасці экспанатаў, будзе разглядацца пытанне аб пераводзе музея ў больш вялікае памяшканне. Цяпер для яго выкарыстоўваюцца сцены аднаго з пакояў сэрвіснага цэнтра. У музей ужо цяпер прыходзяць людзі толькі для таго, каб паглядзець на старыя мабільныя тэлефоны, некаторым нават давяраюць патрымаць экспанаты ў руках.