На «Міс Сусвет» завялі справу за фотасесію каля Тадж-Махала

Паліцыя горада Агра на поўначы Індыі ўзбудзіла крымінальную справу ў дачыненні да амерыканкі Алівіі Калпа, якая выйграла ў 2012 годзе конкурс «Міс Сусвет».

Як паведамляе Agence France-Presse, праваахоўныя органы лічаць, што яна правяла несанкцыянаваную фотасесію побач з Тадж-Махалам.

Калпа падазраюць у парушэнні мясцовых законаў аб ахове архітэктурных помнікаў, паводле якіх усе камерцыйныя фотасесіі побач з Тадж-Махалам патрабуюць папярэдняга ўзгаднення. На дадзены момант у Калпа ўзялі паказанні. Справа знаходзіцца на стадыі папярэдняга следства, піша Lenta.ru.

Падставай для ўзбуджэння справы паслужыла заява, пададзеная ў паліцыю даглядчыкамі архітэктурнага помніка. Па іх словах, Калпа фатаграфавалася побач з Тадж-Махалам для рэкламы абутку. У адносінах да ўладальніка брэнда, які замовіў рэкламу і суправаджаў «Міс Сусвет» падчас фотасесіі, таксама ўзбуджаная справа.

Калпа правяла ў Тадж-Махале фотасесію 5 кастрычніка. У паведамленні адзначаецца, што асобную незадаволенасць наглядчыкаў маўзалея выклікаў той факт, што Калпа пазіравала фатографам на белай мармуровай лесвіцы, вядомай тым, што калісьці на ёй сядзела брытанская прынцэса Дыяна.

Алівія Калпа выйграла конкурс «Міс Сусвет» у снежні 2012 года, здолеўшы абыйсці 88 канкурэнтак. Фінал конкурсу праходзіў у яе на радзіме, дзе яна раней ужо заваявала тытул «Міс ЗША».

Фота: hindustantimes.com