Ад сутыкнення з фурай у «Масквіча» зрэзала дах
3- 11.10.2013, 16:20
- 17,378
За мінулыя суткі на дарогах краіны зарэгістравана адно смяротнае ДТЗ - на трасе M1 на тэрыторыі Барысаўскага раёна.
У ім загінуў адзін адзін чалавек - пасажыр аўтамабіля «Іж». Кіроўца легкавіка цудам сур'ёзна не пацярпеў, хоць у выніку моцнага ўдару дах «Масквіча» апынуўся цалкам скамечаным, піша onliner.by.
«ДТЗ адбылося каля 3:30 ночы на 440-м кіламетры дарогі Брэст-Менск-мяжа Расеі, паблізу в. Вялікая Ухалода Барысаўскага раёна, - паведамілі ў ДАІ. - У «Масквічы» грамадзяне Расеі ехалі ў бок Менска. За рулём знаходзіўся хлопец 1987 г. н. Па нейкай прычыне ён не адрэагаваў на аўтацягнік Mercedes пад кіраваннем менчука 1983 г.н., які ўзнік у яго на шляху, і дапусціў спадарожнае сутыкненне».
Вядома, што фура знаходзілася ў руху.
У выніку аварыі пасажыр аўтамабіля «Іж» 1959 года нараджэння загінуў на месцы. Кіроўцу даставілі ў бальніцу, аднак шпіталізацыя яму не спатрэбілася.