Немец адразу пасля вяселля забыў жонку на аўтазапраўцы
9- 11.10.2013, 16:23
- 27,290
Пачатак сямейнага жыцця адной нямецкай пары азмрочаны прыкрым інцыдэнтам.
Новаспечаны муж забыў сваю жонку на аўтазапраўцы і схамянуўся толькі праз некалькі гадзін, паведамляе АР.
Вяртаючыся пасля мядовага месяца з Францыі ў Берлін, 10 кастрычніка пара спынілася на бензакалонцы ў горадзе Бад-Херсфельд (Германія), каб заправіць свой фургон.
Да прыбыцця на аўтазапраўку жанчына спала. На бензакалонцы яна пакінула фургон, нічога не сказаўшы мужу, і адправілася ў туалет. Мужчына, не ведаючы, што жонка выйшла з машыны, завёў аўтамабіль і адправіўся ў шлях, піша «Газета.Ру».
Праз дзве з паловай гадзіны ён заўважыў знікненне жонкі і звярнуўся ў паліцыю. Высветлілася, што ўвесь гэты час жанчына цярпліва чакала яго на запраўцы.