Герб Пагоня: «жывыя» шпалеры для Android

Распрацоўнікі Flaxtreme апублікавалі ў краме Play Маркет праграму «Герб Пагоня».

«Гэта жывыя шпалеры з паралакс-эфектам. Пакуль што яны даступныя толькі для ўладальнікаў смартфонаў і планшэтаў з аперацыйнай сістэмай Android», - тлумачаць распрацоўшчыкі.

Шпалеры з паралакс-эфектам - гэта панарамны малюнак, які «выходзіць» за межы экрана. Калі перамяшчаць смартфон у паветры, малюнак перамяшчаецца ўслед за рухамі, паведамілі сайту charter97.org распрацоўшчыкі Flaxtreme.

Бясплатна спампаваць шпалеры можна ў краме Play Маркет па ключавых словах «Герб Пагоня» альбо па спасылцы.