НЗ у менскім метро
30- 15.10.2013, 9:29
- 84,864
Адразу некалькі інцыдэнтаў адбыліся сёння ў сталічным метро.
Сёння раніцай спыніліся цягнікі на першай лініі. Гэта адбылося ў 9:00, піша «Комсомольская правда в Беларуси».
«На станцыі «Пятроўшчына» цягнік стаіць ужо хвілін 10, - паведаміў карэспандэнт выдання. - Дзверы адчыненыя, многія людзі выйшлі на платформу, нярвуюцца. Машыніст паведаміў, што спыненне па тэхнічных прычынах. Пазней удакладніў, што спынілася ўся першая галіна. Кажуць, што нейкая праблема на станцыі метро «Кастрычніцкая».
У 9.07 рух аднавіўся. Аказалася, што рух цягнікоў быў часова спынены з-за няспраўнасці аднаго са складаў.
Прыкладна а 12:00 устала другая лінія. Пра гэта паведамілі карыстальнікі ў «Твітэры».
«На «Нямізе» цягнік у напрамку «Каменнай горкі» стаіць, АМАП глядзіць пад яго, усіх выгналі са станцыі», - напісаў @xLOVExISABELLAx.
«Другая лінія метро стаіць, што рабіць - незразумела, выразных паведамленняў няма», паведаміў @EtoAnton.
Пазней стала вядома, што на станцыі метро пад цягнік упаў чалавек.