Сілы НАТА будуць адбіваць «напад» дыктатарскай дзяржавы

Лістападаўскія вучэнні НАТА стануць адказам на «Захад-2013».

Разметка тэрыторыі ідзе з размахам. Шыльда, якую паказалі ў пачатку сюжэту, з'яўляецца маленькай часткай лагера, які французы разбілі на тэрыторыі Польшчы. Яны знаходзяцца ўсяго некалькі дзён, але адчуваюць сябе як дома, перадае TVN24 (пераклад - charter97.org).

«У мяне яшчэ не было магчымасці наведаць Польшчу, але атмасфера добрая і мне тут падабаецца», - кажа французскі маёр.

Палаткі, устаноўленыя на палігоне ў Драўске павінны змясціць больш за адну з шасці тысяч салдат, якія ў пачатку лістапада прымуць удзел у вучэннях войскаў НАТА - у асноўным у Польшчы і Латвіі.

«Альянс будзе адпрацоўваць рэакцыю ў выпадку пагрозы краінам-удзельніцам», - адзначыў старшыня Бюро Нацыянальнай Бяспекі Польшчы генерал Станіслаў Казей.

Вялікая колькасць вогнетушыцеляў не выпадковая, бо такія заявы ўжо накаляюць атмасферу. Чакаецца, што вучэннямі пад назвай Steadfast Jazz 2013 НАТА павінен пацвердзіць сваю здольнасць да абароны Польшчы. Гэта будзе найлепшым адказам на беларуска-расейскія вучэнні «Захад-2013».

«У нас ёсць жаданне выбудаваць пэўны адказ на гэтыя вучэнні, напрыклад, абапіраючыся на грамадскае меркаванне. Калі б я быў ваенным каментатарам з Расеі, то не турбаваўся б аб так званай пагрозе з Захаду, а звяртаў бы ўвагу на пагрозу з іншых рэгіёнаў», - заявіў намеснік міністра нацыянальнай бяспекі Роберт Купецкі.

Гэта будуць першыя маштабныя вучэнні НАТА ў гэтым рэгіёне, але колькасць удзельнікаў у цэлым не палохае, за выключэннем сухапутных сіл Францыі. На моры брытанцы і галандцы выстаўляюць па два карабля, а астатнія краіны па адным. У паветра будуць паднятыя самалёты выведкі і радыёэлектроннай барацьбы. Сюрпрызаў з боку Польшчы не будзе - у паветры знішчальнікі «Фантом», у моры ваенны карабель «Czernicki», а на зямлі брыгада са Шчэціна, хоць тэарэтычна вучэнні не прадугледжваюць абароны Польшчы.

«Будзе ўмоўны праціўнік, умоўная дзяржава, якую мы будзем абараняць. Канфлікт будзе падобны на тыя, якія адбываюцца ў сапраўдны момант у свеце паміж дзвюма дзяржавамі - адной беднай і дэмакратычнай, а іншай багатай і дыктатарскай. Гэтым праціўнікам будзе дзяржава з назвай Бохня», - кажа генерал Анджэй Туз, кіраўнік вучэнняў ад Польшчы.

«Сілы НАТА перамяшчаюцца ў бок беднай дзяржавы, умацоўваюць яе мяжу, аднак не маюць задання наўпрост змагацца з праціўнікам. Таму ў пэўных момантах мы будзем саступаць», - дадаў генерал.

Гэта гучыць як намёк на эвакуацыю насельніцтва з балтыйскіх краін у выпадку беларускай агрэсіі, але гэта выпадковая асацыяцыя.

Галоўны кіраўнік вучэнняў сцвярджае, што гэта проста трэніроўка сіл абароны НАТА, неабходнасць якой была выкліканая яшчэ дзесяць гадоў таму.

«Мы хочам быць пажарнымі, на якіх можна разлічваць у выпадку пажару», - сказаў кіраўнік сіл альянсу Ганс-Лотар Дамроз.

На вучэнні запрошаныя расейскія назіральнікі.