У цягніках даражэе пасцельная бялізна
10- 18.10.2013, 16:00
- 19,064
Кошт камплекту бялізны ў цягніках фарміравання Беларускай чыгункі змяняецца з 1 лістапада.
Пра гэта паведамляе прэс-служба БЧ.
У плацкартным і купэйным вагоне (акрамя фірмовых цягнікоў) ён складзе 10 400 рублёў. У плацкартным і купэйным вагоне фірмовых цягнікоў - 12 700 рублёў. У вагонах «СВ» усіх цягнікоў - 17 800 рублёў.
У кошт праязных дакументаў на праезд у міжнародных пасажырскіх цягніках, прычапных і бесперасадачных вагонах фармiравання Беларускай чыгункі ўключаецца кошт пасцельнай бялізны.
Падчас руху пасажыраў ва ўнутрырэспубліканскіх зносінах сэрвісныя паслугі, у тым ліку пасцельныя прыналежнасці, індывідуальныя санітарна-гігіенічныя камплекты, прадастаўляюцца правадніком вагона па жаданні пасажыра.
Аплата паслуг, у тым ліку за камплект пасцельнай бялізны, у цягніках фарміравання іншых дарог ажыццяўляецца ў нацыянальнай валюце краіны прыналежнасці вагона.