Вікторыя Азаранка: Са мной такога ўжо даўно не было

Беларуска Вікторыя Азаранка пракаментавала сваю паразу сербцы Алене Янкавіч.

«Мне здаецца, прычына цалкам відавочная. На маім шляху складаны адрэзак, але я павінна гэта перажыць. Са мной такога ўжо даўно не было. Сезон быў вельмі доўгім, вельмі складаным. На самой справе, апошнія два гады былі вельмі складанымі. І мне вельмі цяжка пастаянна падтрымліваць узровень стабільнасці, на якім я ўвесь гэты час гуляла. Ва ўсіх бываюць складаныя моманты, і цяпер важней за ўсё тое, як я спраўлюся з гэтым момантам. Мне трэба змагацца.

Вядома, у канцы года складана гуляць супраць лепшых тэнісістак, таму што ў кожным матчы трэба выкарыстоўваць усе рэзервы, выкладвацца на ўсе 100, але часам на гэта бракуе матывацыі. Да таго ж, мы гуляем па два матчы запар - усім цяжка, і я не буду казаць, што са мной усё выдатна. Гэта цяжка. І псіхалагічна складана - складана завесціся», - прыводзіць словы тэнісісткі Tennis.com.