Пратэрмінаваная крэдыторская запазычанасць прадпрыемстваў вырасла ў 1,6 разоў
3- 26.10.2013, 14:59
- 10,162
На 1 верасня 2013 г пратэрмінаваная крэдыторская запазычанасць прамысловых прадпрыемстваў склала 9,3 трлн рублёў.
У параўнанні з 1 верасня 2012 г пратэрмінаваная крэдыторская запазычанасць павялічылася на 59,9% (у 1,6 разы). У параўнанні з пачаткам года яна вырасла на 51,1%, у тым ліку за жнівень - на 5,7%. Пратэрмінаваную крэдыторскую запазычанасць мелі 69,9% арганізацый прамысловасці, піша БелаПАН.
Крэдыторская запазычанасць у параўнанні з 1 верасня 2012 года вырасла на 24,5%. У параўнанні з пачаткам года яна павялічылася на 16,6%, у тым ліку за жнівень - на 2,9%.
На 1 верасня 2013 г замежная крэдыторская запазычанасць склала 22,9 трлн рублёў. У параўнанні з 1 верасня 2012 г замежная крэдыторская запазычанасць вырасла на 24,4%, з пачаткам года - на 16,6%, у тым ліку за жнівень - знізілася на 1,2%.
Дэбіторская запазычанасць на 1 верасня 2013 года склала 95,9 трлн рублёў і ў параўнанні з 1 верасня 2012 года вырасла на 39,7%. У параўнанні з пачаткам года яна павялічылася на 21,4%, у тым ліку за жнівень - на 2,8%.
Замежная дэбіторская запазычанасць склала 37,7 трлн рублёў. У параўнанні з 1 верасня 2012 г яна вырасла на 32,7%, з пачаткам года - на 17,2%, у тым ліку за жнівень - на 5,1%.