ЦВК Грузіі абвясціў аб перамозе Маргвелашвілі
8- 28.10.2013, 20:55
- 10,918
Інаўгурацыя новага прэзідэнта Грузіі адбудзецца 17 лістапада.
Скончыўся падлік галасоў выбарцаў на прэзідэнцкіх выбарах. Згодна з апрацоўкай 100% бюлетэняў, перамогу з 62,11% галасоў атрымаў кандыдат ад кіроўнай кааліцыі «Грузінская мара» Георгій Маргвелашвілі, піша РБК.
Ягоны найбліжэйшы апанэнт - кандыдат ад партыі Міхаіла Саакашвілі «Адзіны нацыянальны рух» Давід Бакрадзэ - набраў 21,73% галасоў выбарцаў. Трэцяе месца заняла экс-спікер парламента Ніно Бурджанадзэ з 10,18%.
Астатнія кандыдаты не набралі і 3% галасоў. Усяго на пасаду кіраўніка дзяржавы прэтэндавалі 23 чалавекі.
Доктар філасофскіх навук Георгій Маргвелашвілі ў новым ўрадзе займаў пасаду міністра адукацыі. Многія ківаюць на ягоную несамастойнасць і залежнасць ад прэм'ера. Сярод сваіх прэзідэнцкіх прыярытэтаў Маргвелашвілі назваў абарону палітычных, эканамічных, культурных і сацыяльных правоў грамадзян. У замежнай палітыцы прадстаўнік «Грузінскай мары» выступае за інтэграцыю Грузіі ў NАТА і Еўрапейскі Звяз, з Расеяй пры гэтым ён збіраецца наладзіць добрасуседскія стасункі.
Фота: Reuters