За газ у кватэры без лічыльніка прыйдзецца плаціць у тры разы больш

Тым, у каго ёсць лічыльнік, а ў кватэры стаіць газавая пліта, за кубаметр цяпер трэба будзе плаціць амаль на 300 рублёў больш, чым раней: новы тарыф - 1232,4 рубля.

Калі ж акрамя пліты ў кватэры ёсць газавыя катлы або калонкі (яны бываюць у прыватных ці проста старых дамах, дзе няма цэнтралізаванага ацяплення і гарачай вады), то з лічыльнікам кубаметр у ацяпляльны перыяд будзе каштаваць 404,3 рубля (прыкладна на 50 рублёў больш, чым раней), а ў летні - 1232,4 рубля (больш на 300 рублёў).

А вось тыя, хто пра ўсталёўку лічыльніка ў свой час не паклапаціўся, традыцыйна плацяць больш. Ды і падаражанне тут атрымалася больш істотным. Тарыф для тых, у каго лічыльніка няма, залежыць ад колькасці прапісаных у кватэры чалавек. Напрыклад, калі з газавых прыбораў у кватэры толькі пліта, на чалавека будзе прыходзіцца 9850 рублёў у месяц (гэта на 2380 рублёў больш, чым раней), піша «Комсомольская правда в Беларуси».

Возьмем сям'ю з трох чалавек, у якой у кватэры ёсць газавая пліта. У месяц у іх у сярэднім сыходзіць 8 кубаметраў. Калі лічыльнік сям'я паставіла, то за свае кубы яны заплацяць прыкладна 9,9 тысячы. А вось калі лічыльнік не ўсталяваны, то разлічвацца прыйдзецца па фіксаванай стаўцы: цяпер гэта 9850 рублёў з кожнага прапісанага ў кватэры чалавека. Агульная сума за месяц атрымаецца больш амаль у тры разы - 29,5 тысячы.