«Татэнхэм» шакаваны раздзявальняй у Раменскім
20- 5.10.2013, 10:09
- 27,691
Футбалісты «Татэнхэма» былі збянтэжаныя ўмовамі, у якіх ім давялося правесці матч Лігі Еўропы супраць «Анжы».
Дакладней, іх здзівіла раздзявальня стадыёна ў Раменскім (Маскоўская вобласць РФ), дзе праходзіла сустрэча, паведамляе РБК.
У Instagram каманды была размешчаная фатаграфія раздзявальні каманды, у якой замест звыклага інтэр'еру ангельцаў сустрэлі скураныя крэслы. На думку брытанскіх СМІ, такая абстаноўка была б дарэчнай напачатку 20-га стагоддзя, але ніяк не перад матчам такога высокага ўзроўню ў 2013 годзе.
Фотаздымак атрымаў шырокае распаўсюджванне - акрамя афіцыйнага Instagram «Татэнхэм», яна была размешчаная і на старонках некаторых гульцоў. Акрамя таго, яе апублікавалі СМІ тых краін, якія прадстаўляюць у «Татэнхэме» розныя легіянеры.
Daily Mail адзначыла, што нават звычайныя драўляныя сырыя лавы, якія крышацца, і якія паўсюдна можна ўбачыць у раздзявальнях стадыёнаў у ніжэйшых ангельскіх лігах, падышлі б лепей для футбольнай каманды.
Улад Кірыкеш, румынскі абаронца «Шпораў», у сваім блогу нават выказаў здагадку, што гэтыя крэслы раней прызначаліся для камеры катаванняў.
Акрамя таго, ангельцы засталіся незадаволеныя вязкім газонам на стадыёне ў Раменскім.
Нагадаем, што матч завяршыўся з лікам 2:0 на карысць лонданцаў.