У Менску кіроўца аўтобуса страціў прытомнасць: пацярпелі 11 пасажыраў

НЗ адбылося ў сталіцы.

7 кастрычніка каля 17.40 на праспекце Дзяржынскага ў Менску пасажырскі аўтобус МАЗ урэзаўся ў слуп. Пра гэта паведаміла БелТА старэйшы інспектар па агітацыі і прапагандзе ДАІ Маскоўскага раёна Менска Любоў Трапашко.

На праспекце Дзяржынскага паміж скрыжаваннямі з праспектам Любімава і вуліцай Касманаўтаў аўтобус урэзаўся ў асвятляльную мачту і выехаў за межы праезнай часткі. Па папярэдніх дадзеных, кіроўца аўтобуса № 96 страціў прытомнасць падчас руху.

У аварыі пацярпелі 11 пасажыраў.