Ліцэістка «замінавала» вакзал у Гомелі
7- 25.11.2013, 10:09
- 10,922
Навучэнка Касцюковіцкага дзяржаўнага аграрна-тэхнічнага прафесійнага ліцэя паведаміла аб мінаванні вакзала ў Гомелі.
«У Гомелі па тэлефоне «102» патэлефанавала невядомая і паведаміла, што замінаваны вакзал. У ходзе праведзенага комплексу мерапрыемстваў у будынках двух вакзалаў горада выбуховая прылада не выяўленая, інфармацыя не пацвердзілася», - паведамілі агенцтву «Інтэрфакс» у панядзелак у МУС Беларусі.
Супрацоўнікі міліцыі ўстанавілі, што тэлефанавала навучэнка Касцюковіцкага дзяржаўнага аграрна-тэхнічнага прафесійнага ліцэя, жыхарка пасёлка Касцюкоўка Гомельскага раёна. Дзяўчыну 1997 года нараджэння затрымалі. Прычыны званка невядомыя.
«Узбуджаная крымінальная справа па ч. 1 арт. 340 «Загадзя ілжывае паведамленне аб небяспецы» Крымінальнага кодэкса Беларусі», - праінфармавалі ў міністэрстве.