Кубараў стане галоўным трэнерам менскага «Дынама»?
5- 29.11.2013, 12:05
- 11,093
Кіраўніцтва менскага ФК «Дынама» разглядае варыянт змены галоўнага трэнера.
Нягледзячы на тое, што каманда заняла трэцяе месца, праца Роберта Масканта можа быць ацэненая як нездавальняючая. Адным з асноўных кандыдатаў на пасаду галоўнага трэнера «Дынама» называецца Алег Кубараў, які ў дадзены момант узначальвае малдаўскі «Зімбру», піша goals.by.
Вялікая верагоднасць, што разам з Кубаравым у штаб увойдзе трэнер брамнікаў Эдуард Тучынскі. Алег Дулуб, які дапамагаў Кубараву ў «Гомелі», ужо працуе ў менскім «Дынама».
Адзначым, што ў пачатку сезона Кубараў узначаліў юрмальскі «Спартак», аднак быў звольнены з клуба па ходу сезона. «Зімбру» ў дадзены момант пасля 16 тураў займае 6-е месца, адстаючы ад «Шэрыфа», які лідзіруе, на 14 ачкоў.
Раней Кубараў ужо фігураваў сярод кандыдатаў на пасаду галоўнага трэнера «Дынама», аднак па розных прычынах тады бакам не ўдалося дасягнуць пагаднення.