Мінпрам праваліў заданне па разгрузцы складоў
54- 30.11.2013, 19:33
- 30,537
Міністэрства прамысловасці не выканаў заданне па скарачэнні складскіх запасаў.
Па стане на 1 лістапада складскія запасы на прадпрыемствах Мінпрама перавышалі паўтарамесячны аб'ём вытворчасці, хоць урад летам даручыў знізіць аб'ём запасаў да 110% да месячнага аб'ёму вытворчасці, паведамляе БелаПАН.
На гэтую ж дату аб'ём складскіх запасаў беларускіх прадпрыемстваў складаў 29,11 трлн рублёў, больш за 40% з іх прыпадала на прадпрыемствы Мінпрама.
Як паведамлялася раней, у чэрвені бягучага года ўрад зацвердзіў памесячны графік разгрузкі складоў. Аднак у кастрычніку зноў назіралася павелічэнне складскіх запасаў на многіх прадпрыемствах, падведамасных дзяржорганам. Так, у арганізацыях Мінпрама ўзровень складскіх запасаў павялічыўся ў кастрычніку з 147,2% да 151,6% да месячнага аб'ёму прамвытворчасці, на прадпрыемствах «Беллегпрама» - з 199,9% да 204,2%, у «Белдзяржхарчпраме» - з 139,3% да 164,4% да месячнага аб'ёму прамвытворчасці.