СК: Дзіўная смерць кіроўцаў выкліканая п'янствам
15- 16.12.2013, 16:50
- 23,149
Гродзенскім міжраённым аддзелам Следчага камітэта завершаная праверка па факце выяўлення ў Гродна 4 кастрычніка на тэрыторыі ААТ «Белтапаз» целаў двух кіроўцаў.
Пра гэта паведамілі БелТА ва УСК па Гродзенскай вобласці.
Устаноўлена, што кіроўца аўтамабіля МАЗ 1957 года нараджэння, знаходзячыся ў стане алкагольнага ап'янення, парушыў правілы дарожнага руху і здзейсніў наезд на кіроўцу 1968 года нараджэння, які таксама знаходзіўся ў стане алкагольнага ап'янення. У выніку апошні ад атрыманых траўмаў памёр на месцы.
Пасля здарэння кіроўца МАЗа скончыў жыццё самагубствам у кабіне сваёй аўтамашыны, прычыніўшы сабе пранікальнае нажавое раненне грудной клеткі.
Па выніках праверкі вынесеная пастанова аб адмове ва ўзбуджэнні крымінальнай справы ў сувязі са смерцю асобы, якая ўчыніла наезд.
Па словах калег загінулых, абодва кіроўцы былі сябрамі.