З 1 студзеня «мінімалка» вырасце на 200 тысяч рублёў
23- 16.12.2013, 18:41
- 44,005
У Беларусі ўстаноўленая сума мінімальнага заробку (МЗ) з 1 студзеня 2014 года.
Так вызначана ў пастанове Савета Міністраў ад 14 снежня гэтага года №1076, паведамілі БелТА ў прэс-службе беларускага ўрада.
Месячны мінімальны заробак складзе з 1 студзеня гэтага года 1 мільён 660 тысяч, гадзінны мінімальны заробак – 9 тысяч 890 рублёў.
Згодна з законам Беларусі «Аб устанаўленні і парадку падвышэння сумы мінімальнага заробку» сума МЗ, устаноўленая і праіндэксаваная ў адпаведнасці з заканадаўствам, з'яўляецца абавязковай для наймальніка ў якасці ніжэйшай граніцы аплаты працы работнікаў.
Як растлумачылі ў Міністэрстве працы і сацыяльнай абароны, МЗ выкарыстоўваецца як дзяржаўны мінімальны сацыяльны стандарт у галіне аплаты працы ў арганізацыях ўсіх арганізацыйна-прававых формаў, у тым ліку ў грамадскіх аб'яднаннях, таварыствах уласнікаў, гаражных кааператывах, садаводчых таварыствах ды іншых спажывецкіх кааператывах. Мінімальны заробак выкарыстоўваецца выключна ў сферы працоўных стасункаў.
Нагадаем, з 1 студзеня 2013 года месячны мінімальны заробак быў устаноўлена ўрадам у суме 1 мільёна 395 тысяч, гадзінны мінімальны заробак - 8.000 340 рублёў. З улікам індэксацыі месячны мінімальны заробак за лістапад гэтага года складае 1 мільён 466 тысяч 230 рублёў, гадзінны мінімальны заробак- 8 тысяч 760 рублёў.
Фота: bymedia.net