У Менску камера засняла момант падзення дрэва на «Мазду» (Відэа)

Цыклон Vincinc, такую назву яму далі нямецкія метэаролагі, напярэдадні нарабіў спраў.

Адно са здарэнняў зафіксавала камера відэаназірання. Ролік размясціў удзельнік форуму onliner.by ediklisi.

«Спадзяюся, уладальніку пакрыюць шкоду», - піша ediklisi. Аднак гэта пытанне спрэчнае. Калі аўтамабіль не быў застрахаваны па «Аўтакаска», то шанцы даволі маленькія. Калі навукоўцы-дэндрахранолагі з Нацыянальнай акадэміі навук прызнаюць, што дрэва павінны былі прыбраць, то гаспадар машыны мае права падаць грамадзянскі пазоў да арганізацыі, якая абслугоўвае тэрыторыю. Аднак нават у гэтым выпадку выйграць суд праблематычна, паказвае вопыт аўтаўладальнікаў.

Па дадзеных сіноптыкаў, хуткасць ветру дасягала 15-22 м/с. А ў Горках і Слаўгарадзе - 24 м/с. «Гэта можна назваць шквалістым ветрам», - паведамілі ў гідраметэацэнтры.