Беларускі комік перамог ва ўкраінскім тэлешоў (Відэа)

Максім Канавал атрымаў перамогу ў 6 сезоне ўкраінскага тэлешоў «Насмяшы коміка». Наш зямляк выйграў 50 000 грыўняў.

Максіму 25 гадоў. Да 18 гадоў - ён жыў у Наваполацку. Скончыў гарадскую школу №3. Пасля заканчэння школы паступіў у Беларускі дзяржаўны эканамічны ўніверсітэт і пераехаў жыць у Менск, паведамляе ximik.by.

Скончыўшы БДЭУ, Максім Канавал адпрацоўваў па размеркаванні ў Менску, затым пераехаў у Кіеў. Менавіта там Максім і вырашыў пайсці на кастынг тэлешоў «Насмяшы коміка». Кастынг паспяхова прайшоў, на шоў трапіў і нават перамог.