«Нафтагаз» дамовіўся з «Газпрамам» аб пераносе плацяжоў

«Нафтагаз Украіны» дамовіўся з «Газпрамам» аб пераносе на вясну 2014 года плацяжоў за пастаўкі газу ў кастрычніку-снежні бягучага года.

Пра гэта паведаміў кіраўнік «Нафтагаза» Яўген Бакулін, перадае РІА Новости.

«Мы дамовіліся і зрушылі плацяжы з кастрычніка, лістапада і снежня на вясну для таго, каб вырашыць усе праблемы і пытанні, якія ёсць сёння ў рэгіёнах», - сказаў ён журналістам.

Бакулін адзначыў, што Украіне спатрэбіўся такі перанос для таго, каб праблемныя пытанні ў рэгіёнах не абцяжваліся плацяжамі за газ.

Ён таксама падкрэсліў, што ў гэтым пытанні з «Газпрамам» дасягнутая дамоўленасць, і распрацаванае папярэдняе пагадненне. «Мы з «Газпромам» распрацавалі папярэдняе пагадненне. Засталіся пытанні, якія трэба дапрацаваць. Яны тычацца крэдытаў, якія ёсць у нас, і тых гарантый, якія дае ўрад, каб дадзеныя дамовы былі даведзеныя да канца і з расейскага, і з украінскага боку», - распавёў Бакуліна.

Нагадаем, 21 лістапада афіцыйны Кіеў заявіў, што прыпыняе падрыхтоўку да падпісання Дамовы аб асацыяцыі з Еўразвязам, якое павінна было адбыцца на саміце «Усходняга партнёрства» ў Вільні.

Такое рашэнне ў Кіеве патлумачылі інтарэсамі «нацыянальнай і эканамічнай бяспекі». Адначасова з гэтым украінскім міністэрствам было даручана «аднавіць актыўны дыялог з Расеяй і іншымі краінамі Мытнага саюза і дзяржавамі-членамі СНД адносна актывізацыі гандлёва-эканамічных сувязяў».

Падпісаць пагадненне з ЕЗ украінскія ўлады планавалі на саміце ў Вільні, які прайшоў 28-29 лістапада. Змену пазіцыі афіцыйнага Кіева многія патлумачылі ўплывам Расеі.

Рашэнне ўладаў выклікала пратэсты па ўсёй Украіне. У Кіеве ў нядзелю прайшоў стотысячны мітынг прыхільнікаў еўраінтэграцыі. Акцыю абвясцілі бестэрміновай.