Апальнага дзядзьку Кім Чэн Ына выдалілі з кінафільмаў

Тэлебачанне КНДР выразала з прапагандысцкага дакументальнага фільма ўсе кадры, на якіх прысутнічаў дзядзька Кім Чэн Ына.

Да нядаўняга часу 67-гадовы Чан Сон Тхэк быў бліжэйшым паплечнікам свайго пляменніка і адной з самых магутных фігур у краіне, аднак некалькі дзён таму з'явілася інфармацыя, што ён трапіў у няміласць, паведамляе BBC.

Паўднёвакарэйская разведка паведаміла аб тым, што Чан зняты з пасады віцэ-старшыні Нацыянальнай вайсковай камісіі КНДР, а два яго памочнікі абвінавачаныя ў карупцыі і публічна пакараныя.

Цяпер усякія згадкі пра апальнага Чан Сон Тхэке зніклі з дзяржаўнага прапагандысцкага кінафільма. Раней фільм ужо дэманстраваўся ў Паўночнай Карэі дзевяць разоў. Аднак у суботу, калі ён быў зноў пастаўлены ў эфір, з яго зніклі кадры з удзелам дзядзькі лідара КНДР.

Што менавіта адбылося з Чан Сон Тхэкам, да гэтага часу невядома. Праверыць паведамленні аб яго адстаўцы не ўяўляецца магчымым, аднак паўднёвакарэйская разведка сцвярджае, што гэтая інфармацыя грунтуецца на паведамленнях адразу некалькіх крыніц.

Выказваліся здагадкі, што яго адстаўка звязаная са станам здароўя, аднак цэнзура, пад якую падпаў прапагандысцкі фільм, прымушае ўсумніцца ў гэтай версіі.

Зрэшты, раней Чан Сон Тхэк ужо нечакана знікаў з паўночнакарэйскай палітыкі, што не перашкодзіла яму пазней у яе вярнуцца.

Фота: Reuters