Правадніцу цягніка Гомель-Менск збіў п'яны гамяльчанін
4- 9.12.2013, 12:02
- 14,884
Па факце хуліганскай выхадкі ўзбуджаная крымінальная справа.
Правадніцу цягніка Гомель-Менск збіў гамяльчанін, які знаходзіўся ў стане алкагольнага ап'янення. Пра гэта паведамілі БелТА ў прэс-службе УУС Гомельскага аблвыканкама.
Заява ў праваахоўныя органы паступіла ад 35-гадовай правадніцы пасажырскіх вагонаў Гомельскага вагоннага ўчастка РУП «Гомельскае аддзяленне Беларускай чыгункі». Інцыдэнт адбыўся ў вагоне цягніка Гомель-Менск на чыгуначнай станцыі Гомель. Тут правадніцу збіў 32-гадовы гамяльчанін, які апынуўся раней судзімым за хуліганства.
Па факце хуліганскай выхадкі ўзбуджаная крымінальная справа. Падазраваны затрыманы. Праводзіцца расследаванне.