Беларус і малдаванін учынілі паніку ў Смаленску

У Смаленску затрымалі беларуска-малдаўскі дуэт «скімераў».

У ходзе сумесна праведзеных супрацоўнікамі крымінальнага вышуку і аддзела «К» УМВД Расеі па Смаленскай вобласці аператыўна-вышуковых мерапрыемстваў затрыманая міжнародная група, удзельнікі якой падазраюцца ў здзяйсненні больш за 150 крадзяжоў з банкаўскіх картак смалянаў пры дапамозе ўсталяваных на гарадскія банкаматы мініяцюрных счытвальных прылад «скімераў», паведамляе прэс-служба УМВД Расеі па Смаленскай вобласці.

Затрыманымі апынуліся раней судзімы за крадзяжы і прычыненне цяжкіх цялесных пашкоджанняў 30-гадовы жыхар Рэспублікі Беларусь і 29-гадовы жыхар Рэспублікі Малдова. У падазраваных сышчыкі знайшлі і канфіскавалі счытвальныя прылады, ноўтбукі і іншую апаратуру, якую тыя выкарыстоўвалі ў сваёй супрацьзаконнай дзейнасці.

У цяперашні час ўстаноўлена, што ў кастрычніку бягучага года падазраваныя здзейснілі на тэрыторыі абласнога цэнтра звыш 150 крадзяжоў, чым выклікалі сярод уладальнікаў банкаўскіх картак сапраўдную паніку. Пры гэтым выкрадзеныя грошы зламыснікі пераводзілі ў наяўныя ў Калузе, Цверы і Санкт-Пецярбургу. Агульная сума нанесенай імі шкоды склала, па папярэдніх дадзеных, каля паўтары мільёнаў рублёў.

У ходзе аператыўна-вышуковых мерапрыемстваў устаноўлена, што ахвярамі «скімераў» маглі стаць яшчэ некалькі сотняў грамадзян: аператыўнікі канфіскавалі ў затрыманых і накіравалі на экспертызу каля 400 так званых «клонаў» банкаўскіх картак, з дапамогай якіх напарнікі мелі намер зняць грашовыя сродкі.

У дачыненні да падазраваных распачатая крымінальная справа па ч. 4 арт.158 КК РФ - крадзеж, учынены арганізаванай групай, у асабліва буйным памеры. Дадзеная частка артыкула прадугледжвае пакаранне ў выглядзе пазбаўлення волі на тэрмін да дзесяці гадоў.

У цяперашні час вырашаецца пытанне аб абранні затрыманым меры стрымання ў выглядзе заключэння пад варту. Устанаўліваецца іх дачыненне да здзяйснення імі іншых аналагічных злачынстваў на тэрыторыі Смаленскай вобласці і шэрагу рэгіёнаў Расеі.