На ЧАЭС паваліліся сцены і дах

12 лютага адбылося частковае разбурэнне сценавых панэляў і лёгкага даху машыннай залы блока № 4.

Плошча разбурэння склала каля 600 квадратных метраў, паведамляе БелаПАН.

Паводле інфармацыі прэс-службы ЧАЭС, дадзеная канструкцыя не з'яўляецца адказнай будаўнічай канструкцыяй аб'екта «Сховішча». Парушэнняў межаў і ўмоў бяспечнай эксплуатацыі, згодна з тэхналагічным рэгламентам аб'екта «Сховішча», няма. Змен радыяцыйнай абстаноўкі на прампляцоўцы ЧАЭС, у зоне адчужэння таксама няма. Людзі не пацярпелі.

Увесну 2012 года на ЧАЭС было пачатае будаўніцтва новага бяспечнага канфайнмента над аб'ектам «Сховішча». Будаўніцтва канфайнмента з'яўляецца адной з найважнейшых умоў пераўтварэння аб'екта ў экалагічна бяспечную сістэму. Ахоўны будынак будзе ўключаць комплекс тэхналагічнага абсталявання для канфіскацыі з разбуранага энергаблока ЧАЭС матэрыялаў, якія змяшчаюць ядзернае паліва, іх кандыцыянавання з далейшым бяспечным захоўваннем.

Канфайнмент будзе мець тэрмін службы 100 гадоў.