Французскія войскі ўзялі «аплот ісламістаў» у Малі

Французскія і малійскія войскі занялі горад Бурэм, размешчаны на поўначы Малі, узмацніўшы кантроль над тэрыторыяй, на якой дзейнічаюць ісламісты.

Пра гэта паведамляе Reuters. Удакладняецца, што першымі на тэрыторыю ўступілі французскія войскі, за імі рушылі ўслед малійскія, піша Lenta.ru.

«Бурэм - гэта аплот ісламістаў», - заявіў прадстаўнік афрыканскага ваеннага кантынгенту AFISMA, кантраляванага ААН. Аналагічны пункт гледжання выказаў чыноўнік, які размаўляў з агенцтвам на ўмовах ананімнасці. Ён таксама паведаміў, што горад быў заняты без бою.

Бурэм, размешчаны на рацэ Нігер, знаходзіцца паміж Цімбукту на захадзе і Кідалам на поўначы, абодва гэтыя гарады кантралююць войскі Францыі і Малі.

Між тым, французскія ўлады паведамілі, што збіраюцца вывесці свае войскі з Малі ў сакавіку 2013 года і перадаць паўнамоцтвы па захаванню парадку малійскаму войску і сілам AFISMA, якія налічваюць восем тысяч салдат.

У цяперашні час у Малі знаходзяцца чатыры тысяч французскіх вайскоўцаў. Францыя ўмяшалася ў канфлікт у сваёй былой калоніі ў студзені 2013 года, калі войска Малі пацярпела паражэнне ад плямёнаў туарэгаў, якія спрабавалі дамагчыся незалежнасці для паўночнай частцы краіны.

Пра тое, што асноўная частка аперацыі супраць туарэгаў завершаная, улады Францыі і Малі абвясцілі 11 лютага, пасля ўзяцця горада Гао.