Польскага актывіста будуць судзіць за кветкі паўстанцам Каліноўскага

Кіраўніка таварыства польскай культуры Лідчыны Аляксандра Колышка хочуць прыцягнуць да адказнасці.

Яго абвінавачваюць у арганізацыі нелегальнай акцыі ля надмагільнага каменя ў памяць аб удзельніках паўстання 1863 года, які знаходзіцца ў гарадскім парку Ліды, паведамляе «Радыё Рацыя».

20 лютага Аляксандра Колышка выклікаюць у суд.

«Размаўлялі амаль з усімі ўдзельнікамі, але склалі пратакол на мяне, як на арганізатара. Мы хадзілі на магілу, запальвалі свечкі, ускладалі кветкі, было ціха і спакойна. Магілу ўпарадкавалі ў 2011 годзе, цяпер сабралася група людзей і ўсё», - распавёў ён.

Паводле яго слоў, міліцыянты прысутнічалі падчас ускладання кветак і здымалі ўсё, што адбываецца на відэакамеру.