П'яны жыхар Кобрынскага раёна пагражаў падарваць аўтобус
17- 28.02.2013, 9:50
Інцыдэнт адбыўся ў Пінску ўчора ўвечары.
Аўтобус паведамленнем «Брэст-Столін» ехаў па праспекце Жалтоўскага, калі адзін з пасажыраў раптам паведаміў, што аўтобус замінаваны і заявіў пра намер падарваць яго. У салоне, дарэчы, у гэты момант знаходзіліся паўтара дзесятка пасажыраў, паведамляе сайт tomin.by.
Кіроўца тут жа патэлефанаваў у міліцыю. Для праверкі на месца выехалі група Пінскага ГАУС і група размінавання з Баранавічаў.
Супрацоўнікі міліцыі затрымалі парушальніка грамадскага парадку. Ім аказаўся нецвярозы жыхар вёскі Норчыцы Кобрынскага раёна 1961 года нараджэння. Паводле папярэдняй інфармацыі, ён ехаў да сваякоў у Столінскі раён. Мужчына змешчаны ў ізалятар часовага ўтрымання Пінскага ГАУС.
Пасажыраў перасадзілі ў іншы прадстаўлены Пінскім аўтапаркам аўтобус, і яны паехалі далей.
А група размінавання абследавала аўтобус і ніякага выбуховага прыстасавання ў ім не выявіла.
Фота з архiва