Сяргей Чалы: Адбіраць ільготныя крэдыты не маюць права

У дзяржавы няма ніякіх падстаў адбіраць ільготны крэдыт, пакуль не будуць сплачаныя адсоткі.

Так беларускі эканаміст і аналітык Сяргей Чалы пракаментаваў сайту charter97.org кантроль урада над мэтавым выкарыстаннем грамадзянамі льготнага жылля.

«Ідэя адбіраць ільготны крэдыт за здачу кватэры гучыць смешна. Асабіста я не веру, што такія захады да льготнікаў будуць прынятыя. Пакуль яны не сплацяць крэдытныя адсоткі, у дзяржавы няма ніякіх падставаў яго адбіраць», - адзначыў эканаміст.

Аналітык дадаў, што, нягледзячы на такое, што з’явілася такая магчымасці ў апошняй рэдакцыі жыллёвага кодэкса, ён уважае працэдуру адбірання крэдыту за тэхнічна немагчымую.

«Нават пасля трохразовай дэвальвацыі і праблем з валютай, у людзей, якія мелі валютны крэдыт на жыллё і пэўны час не маглі яго сплаціць, ніхто нічога не забіраў. Максімум, што могуць зрабіць улады, гэта ўвесці дадатковы падатак або штраф за здачу жылля ў арэнду.

Аднак, чарговая незразумелая ідэя Лукашэнкі ўжо паўплывала на рынак нерухомасці. У краіне назіраецца рэзкае скарачэнне колькасці прапаноў арэнднага жылля, што ў сваю чаргу спрычынілася да росту коштаў за арэнду жылплошчы», - сказаў на заканчэнне Сяргей Чалы.

Нагадаем, беларускі ўрад распрацоўвае механізмы кантролю мэтавага выкарыстання грамадзянамі жылля, пабудаванага з дзяржаўнай падтрымкай.

Рыхтуюцца змяненні і дадаткі ў некаторыя ўказы Лукашэнкі, згодна з якімі жыллё, пабудаванае з дзяржпадтрымкай, нельга будзе здаваць у арэнду да сканчэння працэдуры выплаты льготнага крэдыту.