Расея ўзначаліла РБ ААН
26- 1.03.2013, 9:55
З 1 сакавіка Расейская Федэрацыя прыступіць да выканання функцый старшыні РБ ААН.
Пра гэта паведамляе прэс-служба расейскага МЗС.
«У адпаведнасці з прынцыповымі падыходамі Расеі, накіраванымі на забеспячэнне раўнапраўя, узаемнай павагі і неўмяшання ва ўнутраныя справы дзяржаў, маем намер у сваёй працы зыходзіць перш за ўсё з неабходнасці ўрэгулявання канфліктаў выключна мірнымі сродкамі, нарошчвання калектыўнага ўзаемадзеяння на аснове строгага выканання статутных прэрагатыў РБ ААН, умацавання прававых асноў у міждзяржаўных адносінах», - гаворыцца ў паведамленні МЗС Расеі.
Праца Рады ў сакавіку будзе праходзіць у інтэнсіўным рэжыме, улічваючы насычаную праграму мерапрыемстваў і колькасць запланаваных да прыняцця дакументаў.
«Галоўнай тэмай расейскага старшынства стане ўрэгуляванне ў Афганістане. Гэтая краіна ўступае ў выключна адказны этап свайго развіцця, які патрабуе новых намаганняў саміх афганцаў і кансалідаванай падтрымкі ўсёй сусветнай супольнасці пры безумоўнай цэнтральнай каардынуючай ролі ААН», - адзначае МЗС Расеі.
