Беларусь - на 109 месцы ў рэйтынгу міралюбнасці
13- 22.03.2013, 9:02
Лукашэнкаўская Беларусь знаходзіцца ў канцы спісу міралюбных краін.
Глабальны рэйтынг міралюбнасці за 2012 год падрыхтаваў Стакгольмскі міжнародны інстытут даследаванняў свету (SIPRI).
У спіс, складзены шведскімі экспертамі, увайшлі 158 краін. У першую дзесятку найбольш стабільных і дэмакратычных краін - Ісландыя, Данія, Новая Зеландыя, Канада, Японія, Аўстрыя, Ірландыя, Славенія, Фінляндыя, Швейцарыя, паведамляе fbc.net.ua.
Найменш міралюбнай краінай у рэйтынгу другі год запар застаецца спустошаная вайной Самалі - 158-е месца. Перадапошняе, 157-е месца ў Афганістана, 156-е - у Судана, 155-е ў Іраку, 154 - у Дэмакратычнай Рэспублікі Конга, 153-е - у Расеі.
Беларусь у спісе знаходзіцца на 109 месцы.
Як адзначаюць аўтары рэйтынгу, у 2012 годзе сярод паказчыкаў Глабальнага індэкса міралюбнасці больш за ўсё пагоршылася адчуванне крыміналізацыі грамадства. Астатнія істотныя змены тычыліся сфер сацыяльнай абароненасці і грамадскай бяспекі, што адбілася ў беспарадках у арабскім свеце. Найлепшыя змены мелі паказчыкі палітычнага тэрору. Дзякуючы скарачэнню абаронных бюджэтаў таксама палепшыліся паказчыкі мілітарызацыі.
Фота - expert.ru