Gazeta Wyborcza: Беларускія ўлады хаваюць маштабы карупцыі ў МУС

Сакрэтнасць адставак і судовых працэсаў супраць сілавікоў сведчыць аб тым, што ўлады баяцца раскрыць маштабы злоўжыванняў.

Яўген Палудзень прысуджаны да 3,5 гадоў турмы, перадае Polskie Radio са спасылкай на выданне Gazeta Wyborcza. Гэта прадстаўнік сілавых структур самага вышэйшага рангу з тых, хто трапіў за краты пры Лукашэнку. Палудзень прызнаны вінаватым у злоўжыванні службовымі паўнамоцтвамі. Ён нібыта рэгулярна атрымліваў грошы і дарагія сувеніры ад супрацоўнікаў МУС за карысныя для іх рашэнні.

Акрамя свабоды, суд пазбавіў Палудня дома, кватэры, двух машын, кампутара і 1 тысячы даляраў. Выданне ацэньвае пакаранне як невялікае, улічваючы, што закон прадугледжвае за гэта злачынства да 10 гадоў пазбаўлення волі.

Палудзень на пасадзе кіраўніка падраздзяленняў міліцыі, адказных за грамадскі парадак, многія гады асабіста кіраваў дзеяннямі спецслужбаў падчас пратэстаў апазіцыі. Для яго была ўласцівая надзвычайная лаяльнасць у дачыненні да Лукашэнкі. У 2010 годзе за жорсткае падаўленне пратэстаў супраць фальсіфікацыі прэзідэнцкіх выбараў, Палудзень быў унесены ў «чорны спіс ЕЗ».

«Яго называлі «жандаром», так як быў гатовы выканаць любы загад, аказваў сабачую адданасць, - сказаў лідар Аб'яднанай грамадзянскай партыі Анатоль Лябедзька.

Газета ўспамінае і іншых высокапастаўленых чыноўнікаў МУС (Пякарскі, Куляшоў, Кротаў), якія былі адпраўленыя ў адстаўку, а прычыны гэтага грамадству не паведамляліся.

Фота - chelny-izvest.ru