Дыктатарская Беларусь нецікавая для турыстаў
43- 7.03.2013, 10:01
Беларусь апынулася адзінай еўрапейскай краінай, якая не ўвайшла ў рэйтынг найбольш прывабных для турыстаў дзяржаў свету.
Рэйтынг складзены Сусветным эканамічным форумам і апублікаваны на афіцыйным сайце арганізацыі (пераклад - charter97.org).
Ён уключае 140 краін свету і складаецца раз у два гады. Аналітыкі выкарыстоўваюць дадзеныя з адкрытых крыніц, а таксама інфармацыю ад міжнародных арганізацый і экспертаў у галіне падарожжаў і турызму.
Улічваюцца і вынікі апытання кіраўнікоў кампаній.
Сусветнымі лідэрамі ў сектары падарожжаў і турызму сталі Швейцарыя, Германія і Аўстрыя. У дзесятку найбольш прывабных краін таксама патрапілі Іспанія, Велікабрытанія, ЗША, Францыя, Канада, Швецыя і Сінгапур.
Сярод суседзяў Беларусі найбольш высокія паказчыкі ў Польшчы (42 месца), Латвіі (48 месца) і Літвы (49 месца).